Mynediad

Gwybodaeth am y Lleoliad

Theatr Art-Deco draddodiadol yw'r Lyric gyda 593 o seddi, sydd wedi'i lleoli yng nghanol Caerfyrddin.

Rydym wedi ymrwymo i wneud eich ymweliad mor gyfforddus a phleserus â phosibl, felly rhowch wybod i'n staff am eich gofynion ymlaen llaw.

BSL

Gweler ein fideo dehongledig BSL yn cyflwyno ein tri lleoliad yma.

Disgrifiad sain

Mae taith disgrifiad sain o'r Lyric ar gael yma.

Cyrraedd Yma

Mae'r Lyric ar Stryd y Brenin. Mae Stryd y Brenin yn system unffordd ac mae man gollwng yn union y tu allan i'r theatr.

Y maes parcio agosaf yw Maes Parcio Sant Pedr (SA31 1QP) sy'n faes parcio talu ac arddangos rhwng 8am a 6pm (am ddim ar ôl 6pm), ac mae oddeutu 4 munud i ffwrdd o'r Lyric ar droed.

Ar ôl 6pm, mae maes parcio'r cyngor yn 3 Heol Spilman (SA31 9SA) ar gael i'w ddefnyddio gan y cyhoedd a dyma'r maes parcio agosaf i'r theatr (3 munud ar droed).

Mae gorsaf fysiau Caerfyrddin wedi'i lleoli ar Heol Las sy'n agos i ganol y dref. Mae'r Lyric oddeutu 4 munud ar droed o'r fan hon.

Mae gorsaf drenau'r dref wedi'i lleoli ar Heol yr Orsaf (SA31 2BE) a thua 5 munud mewn car o'r Lyric, a thua 10 munud ar droed.

Mae gan yr adeilad dri phrif lawr. Mae mynediad gwastad o'r stryd i'r swyddfa docynnau ar y llawr gwaelod.

Archebu Tocynnau

Mae'r Swyddfa Docynnau ar agor rhwng 10am a 3pm o ddydd Mawrth i ddydd Sadwrn ar gyfer archebion wyneb yn wyneb neu dros y ffôn.

Os hoffech chi archebu lle ar gyfer cadair olwyn neu docyn Hynt, cysylltwch â'r swyddfa docynnau drwy ffonio 0345 226 3510, neu gallwch anfon e-bost atom y tu allan i oriau agor y swyddfa docynnau: theatrau@sirgar.gov.uk

Rhowch wybod i dîm ein swyddfa docynnau wrth archebu os bydd angen i chi fenthyg cadair olwyn pan fyddwch yn dod i'r theatr. (Gallwch hefyd ofyn i aelod o staff pan fyddwch yn cyrraedd, er nid ydym yn gallu rhoi sicrwydd y bydd un ar gael).

Hynt

Mae Theatr y Lyric yn aelod o Hynt.

Mae gan ddeiliaid cerdyn Hynt hawl i gael tocyn am ddim ar gyfer ei gynorthwyydd personol neu ei ofalwr wrth fynd i weld perfformiadau yn ein lleoliadau

Cliciwch yma i gael gwybod a ydych chi neu'r person rydych yn gofalu amdano yn gymwys i gael cerdyn neu cliciwch yma i wneud cais.

Perfformiadau Hygyrch

Cliciwch yma i bori drwy'r perfformiadau hygyrch sydd ar gael gennym

Mannau a Seddi Hygyrch

Rydym yn gwerthu llefydd i gadair olwyn yn y Swyddfa Docynnau wyneb yn wyneb neu dros y ffôn yn unig. Mae hyn oherwydd bod gwahanol lefydd yn addas ar gyfer gwahanol fathau o gadeiriau olwyn, ac rydym am sicrhau bod y gynulleidfa mewn man addas ar gyfer eu hanghenion. Wrth archebu eich tocyn, rhowch wybod i ni os oes angen lle ar gyfer cadair olwyn arnoch, gan fod angen tynnu seddi fel arfer cyn i chi gyrraedd.

Os ydych yn dymuno symud o'ch cadair olwyn i sedd theatr, mae hyn hefyd yn opsiwn cyn belled ag y byddech yn gallu gadael y theatr heb gymorth pe bai argyfwng. Bydd ein tîm Swyddfa Docynnau yn trafod eich gofynion gyda chi ac yn rhoi sedd i chi yn y man mwyaf priodol (os bydd llefydd ar gael).

Y Prif Dŷ

Mae seddi theatr y prif dŷ wedi'u rhannu ar draws tair lefel:

Mae'r seddi ar lawr gwastad a gellir cael mynediad iddynt o lefel y cyntedd. Mae llefydd ar gyfer hyd at 6 chadair olwyn ac mae'r rhain wedi'u lleoli ar ddiwedd y rhesi yn B2, E2, E20, J2, J20, a L2.

Mae'r mesanîn ar y llawr cyntaf a gellir cael mynediad i'r rhan hon drwy ddefnyddio'r grisiau neu'r lifft. Mae dwy res yn y mesanîn; Mae Rhes A ar lawr gwastad ac mae gan Row B un gris.

Mae'r cylch yn llawn haenau gwahanol a dim ond trwy ddefnyddio'r grisiau y gellir cael mynediad iddo.

Stiwdio

Mae stiwdio fach ar y llawr cyntaf a gellir cael mynediad iddi drwy ddefnyddio'r lifft neu'r grisiau.

Cyfleusterau'r lleoliad

Bar a Chiosg

Lleolir y Ciosg ar y llawr gwaelod, gyferbyn â'r swyddfa docynnau, ac fel arfer mae'n agor awr cyn y sioe am ddiodydd, byrbrydau, a lluniaeth.

Lleolir y Bar ar y llawr cyntaf ac mae'n agor awr cyn y sioe (ond fel arfer dim ond pan mae'r Cylch ar agor). Mae mynediad ar ffurf lifft a grisiau i'r Bar.

Toiledau

Mae toiledau hygyrch ar y llawr gwaelod, ac ar y llawr cyntaf ger Bar y Cylch a ger y Mesanîn (y tu allan i'r Stiwdio).

Dolen Sain

Mae system dolen sain isgoch ar gael drwy'r adeilad. Mae angen clustffonau i ddefnyddio'r ddolen sain a gellir gofyn amdanynt gan unrhyw aelod o staff. Mae dau fath o glustffonau ar gael; chwyddseinydd; a derbynnydd sy'n gydnaws â chymhorthion clyw, ac sy'n gofyn i chi droi eich cymorth clyw i safle'r 'T'.

Cŵn cymorth

Mae croeso i gŵn cymorth. Rhowch wybod i'r Swyddfa Docynnau wrth archebu'ch tocynnau a byddant yn eich helpu i ddod o hyd i'r sedd fwyaf addas. Gellir darparu powlenni o ddŵr ar gais.

Gwybodaeth Gadael mewn Argyfwng

Os bydd angen gadael yr adeilad mewn argyfwng, bydd larwm gweledol a chlywedol. Bydd ein tîm blaen tŷ yn rhoi cyfarwyddiadau ar sut i adael yr adeilad, y mannau ymgynnull agosaf a'r ardaloedd lloches.

Llyfryn

Gellir darparu'r llyfryn mewn print bras ac mewn fformatau eraill ar gais. E-bostiwch: theatrau@sirgar.gov.uk