The Hound of the Baskervilles – a radio play live on stage

Yn fyw ar y llwyfan, mae sêr adnabyddus y llwyfan a'r sgrin COLIN BAKER (Doctor Who, The Brothers) a TERRY MOLLOY (Mike Tucker yn The Archers am 40 mlynedd)) yn cydweithio dros y gwanwyn i chwarae ditectifs enwocaf y byd, SHERLOCK HOLMES A DOCTOR WATSON. Ochr yn ochr â DEE SADLER (All Creatures Great & Small, No Place Like Home), maen nhw'n serennu mewn addasiad llwyfan newydd sbon o THE HOUND OF THE BASKERVILLES - ar daith yn wreiddiol i ddathlu 120 mlynedd ers i stori gyffrous fwyaf poblogaidd Syr Arthur Conan Doyle gael ei chyhoeddi, ac sydd nawr yn rhedeg am fwy o amser oherwydd y galw mawr! 

"Mae chwedl The Hound Of The Baskervilles wedi aflonyddu ar y teulu Baskerville ers cenedlaethau - neb yn fwy na Syr Charles Baskerville, a fu farw mewn amgylchiadau dirgel. Mae hyn yn arwain at fod Doctor Mortimer yn mynd at Sherlock Holmes a Doctor Watson, gan obeithio atal etifedd ystad Baskerville, Syr Henry, rhag dioddef yr un dynged. Ond mae'r goruwchnaturiol yn ymddangos yn bell iawn o 221B Baker Street… 

Fodd bynnag, ar ôl i Holmes a Watson deithio i Neuadd Baskerville ynysig, mae'r llinell rhwng realiti a'r chwedl yn mynd yn annelwig. Mae marwolaeth, tranc a myth yn eu hamgylchynu – beth yw cyfrinach y bwtler yn y nos, pwy sy’n berchen ar y llusern ddirgel sy'n disgleirio yn y tywyllwch, a pha ysbryd dieflig sy’n crwydro Dartmoor gyda bwriadau mileinig?”

Wedi'i gyflwyno gan Crime And Comedy Theatre Company fel drama radio yn fyw ar y llwyfan - stiwdio radio yw ein lleoliad, mae ein hactorion yn barod i ddarlledu ar y radio, a chaiff ein heffeithiau sŵn eu creu'n fyw ar y llwyfan, i gyd yn cyfuno i gludo'r gynulleidfa o Baker Street i Dartmoor, wrth i ni adrodd y stori hon am lofruddiaeth, dirgelwch ac arswyd sy'n siŵr o fod y stori dditectif orau erioed! Cyfle prin i weld yr actorion poblogaidd hyn yn fyw yn eich theatr leol, mae hon yn ddrama na ddylid ei cholli.

Tocynnau | £24