The Guilty Men

Er bod dyddiau'r 'arch-grŵp' wedi hen fynd, mae'n siŵr y byddai'r disgrifiad hwnnw'n addas ar gyfer The Guilty Men! Mae'r band yn cynnwys pump o'r cerddorion gorau o ogledd-orllewin Lloegr: Clive Gregson o'r band Any Trouble, Neil Cossar o The Cheaters, Paul Burgess, drymiwr 10cc, Jez Smith, allweddellwr Barclay James Harvest, a'r baswr, Craig Fletcher.

Rhyngddynt, maent wedi chwarae mewn dros 10,000 o gigs, wedi recordio miloedd o ganeuon ac wedi gwneud ymddangosiadau radio a theledu di-ri. Maent yn brofiadol, a dweud y lleiaf! Mae albwm cyntaf y band, Invisible Confetti, yn cynnwys nodweddion o ganu gwlad, cerddoriaeth Americana, gwerin, pop a seicedlia, ac mae'n daith wefreiddiol o'r dechrau i'r diwedd. Dewch ar daith!

Tocynnau | £18