An Intimate Acoustic Evening with Ward Thomas

Fel yr act fwyaf llwyddiannus ym myd canu gwlad y DU, bydd yr efeilliaid Catherine a Lizzy Ward Thomas yn teithio ledled y wlad ym mis Ionawr a mis Chwefror 2025 gyda sioe arbennig yn cynnwys fersiynau o'r caneuon ar hyd eu gyrfa. A hwythau wedi recordio eu halbwm cyntaf, 'From Where We Stand' yn 2014, tra oeddent dal yn yr ysgol, mae Ward Thomas wedi cadarnhau eu statws fel un o arloeswyr Canu Gwlad y DU ac Americana. Maent yn fwyaf adnabyddus am yr albwm, 'Cartwheels', a ryddhawyd yn 2016 gan fynd i Rif 1 yn Siartiau Albwm y DU - yr act canu gwlad gyntaf yn y DU i gyrraedd brig y siartiau. Yn 2019, cyflwynwyd Gwobr Cyflawniad Byd-eang Jeff Walker y Gymdeithas Cerddoriaeth Gwlad i'r band fel cydnabyddiaeth o'i lwyddiant a'i gyfraniad i fyd canu gwlad yn y DU. Cafodd 'Music In The Madness' ei ganmol gan feirniaid am ei sain arbennig yn gymysg ag arddull pop a chanu gwlad, ac o ran y sioe Barbican yn gynharach eleni, dywedodd The Upcoming, ‘It’s safe to say Ward Thomas delivered a magical performance that left us on a high – an evening to remember." Bydd y sioe unigryw hon yn mynd â Ward Thomas yn ôl i'w dyddiau cynnar o berfformio ac ysgrifennu gyda'i gilydd, a bydd y ddeuawd yn perfformio ac yn rhannu'r straeon sydd wrth wraidd y caneuon a gafodd gymaint o ddylanwad ar fyd canu gwlad.